«42 Երևան» ծրագրավորման անվճար դպրոց
Կազմակերպություն- Դպրոց 42
Ծրագրի տեսակը-դասընթաց
Տևողությունը- երկարաժամկետ, 1-3 տարի
Ովքե՞ր կարող են դիմել- լինել նվազագույնը 18 տարեկան, տրամաբանող, հետաքրքրասեր և պատրաստ իր կրթությանը նվիրել 1-3 տարի
Վայրը- ք. Երևան
42-ի կրթական ծրագիրը հիմնված է խաղային դիզայն ունեցող, ինքնուսուցողական պլատֆորմի վրա, որտեղ ուսանողները իրականացնում են գործնական առաջադրանքներ և կատարելագործում իրենց հմտությունները թիմային աշխատանքով: Ուսումնական պլանը առաջարկում է 100-ից ավելի նախագիծ, որոնք անընդհատ թարմացվում են` համապատասխանեցվելով ոլորտի նորագույն պահանջներին: Ուսանողներին սպասում է կրթական 3 փուլ` հիմունքներ, մասնագիտացում և պրակտիկա:
42-ում հաջողությամբ ուսանելը քեզնից պահանջելու է նվիրում, աշխատանք ու ժամանակ: Քո նախագծերի, առաջադրանքների ու թիմային աշխատանքի վրա դու ծախսելու ես շաբաթական մոտ 40 ժամ, իսկ ուսումը միջինում տևում է 2 տարի: Բայց դու միշտ կհասցնես լրացնել ժամերնդ ու կյանքի կոչել նախագծերդ, քանի որ կենտրոնը բաց է օրը 24 ժամ, շաբաթը 7 օր, իսկ ժամանակացույցդ ինքդ ես ընտրելու: