Փոքր երջանկություն՝ մեծ աշխարհում
Հունիսի 10-ին «Հայ կամավորների բանկ» ԵՀԿ-ի նախաձեռնությամբ Վանաձոր քաղաքի մանկատանը տեղի ունեցավ «Փոքր երջանկություն՝ մեծ աշխարհում» խորագրով միջոցառումը։ Միջոցառման ընթացքում Եղվարդի Արվեստի դպրոցի թատերական խմբակը հանդես եկավ «Փոքրիկ իշխանը» գեղեցիկ ներկայացմամբ, որին հաջորդեց համանուն գրքի ընթերցումն ու քննարկումը երեխաների հետ։ Եղվարդի Արվեստի դպրոցի և մանկատան թատերական խմբակների սաները միասին իմպրովիզ ներկայացրեցին թատերական էտյուդ՝ «Կիկոսի Մահը» թեմայով: Իսկ մուլտհերոսն ու խաղավարը էլ ավելի ուրախացրին և ժպիտներով լցրեցին մանուկների օրը՝ կազմակերպելով տարատեսակ զվարճալի և ուսուցողական խաղեր։ Միջոցառման իրականացմանն աջակցել են «Ակտիվ երիտասարդ քաղաքացիների նախաձեռնություն» ՀԿ-ն, Եղվարդի Արվեստի դպրոցի թատերական խմբակը, U-Taxi, Multiboom, «ԿեսԳիշեր Տորթեր» ընկերությունները։ Շնորհակալ ենք մեր գործընկերներին արդյունավետ և բարեխիղճ համագործակցության համար: Շնորհակալ ենք Էդգար Դանղյանին լուսանկարների համար:
Լուսանկարները՝ https://web.facebook.com/pg/armenianvolunteersbank/photos/?tab=album&album_id=1993367134029525