«𝑽𝒐𝒍𝑬𝒙: 𝑴𝒚 𝒘𝒂𝒚 𝒕𝒐 𝒔𝒖𝒄𝒄𝒆𝒔𝒔»: 𝑰𝒏𝒕𝒆𝒓𝒏𝒂𝒕𝒊𝒐𝒏𝒂𝒍 𝑽𝒐𝒍𝒖𝒏𝒕𝒆𝒆𝒓 𝑫𝒂𝒚
Միջոցառման նպատակն է ընդգծել և ցույց տալ կամավորության կարևոր ազդեցությունը և առանցքային դերը անհատի զարգացման և մասնագիտական հաջողության վրա և երկրի կայացման գործում:
Միջոցառումը բաղկացած է երկու բաժնից։
Հրավիրյալ խոսնակներ
Միջոցառման ընթացքում տարբեր ոլորտներում կայացած խոսնակները հանդես կգան մոտիվացիոն ելույթներով՝ կիսվելով իրենց հաջողության պատմություններով և խրախուսելով երիտասարդներին զբաղվել կամավորությամբ: Ելույթներին կհաջորդի հարց ու պատասխանը:
Թե ովքեր են մեր խոսնակները, կներկայացնենք շուտով։
Կամավորների խրախուսում
Առցանց հայտի և հարցազրույցի հիման վրա կընտրվեն նաև երկու կամավոր, ովքեր 2024 թվականի ընթացքում կուտակած կլինեն կամավորական աշխատանքի հետաքրքիր փորձ և ամենակարևորը՝ կունենան լավ արդյունքներ։ Տվյալ կամավորները հնարավորություն կստանան իրենց կամավորության պատմությունը ներկայացնել լսարանի առջև, իսկ վերջում նրանց կշնորհվի շնորհակալագիր՝ կատարած աշխատանքը գնահատելու և խարխուսելու նպատակով։
Սիրով հրավիրում ենք դառնալ այս տարվա «Լավագույն կամավորը» և միջոցառման խոսնակներից մեկը։
Եթե դուք 
ունեք կամավորական աշխատանքի հարուստ փորձ,2024 թվականին ծավալել եք կամավորական ակտիվ գործունեություն,ցանկանում եք կիսվել ձեր փորձով երիտասարդների հետ և խրախուսել նրանց զբաղվել կամավորական աշխատանքով, ունեք սահուն խոսք և կարող եք գեղեցիկ ներկայացնել կամավորական փորձի միջոցով ձեռք բերված հաջողությունները, ապա մինչև նոյեմբերի 20-ը լրացրեք այս հայտը՝ https://bit.ly/3YCi2vJև դարձեք միջոցառման խոսանկներից մեկը:
Ում համար է այս միջոցառումը.
«VolEx. My way to success» միջոցառումը նրանց համար է, ովքեր
- հետաքրքրված են կամավորությամբ և/ կամ ցանկանում են բացահայտել կամավորական աշխատանքի հետաքրքիր աշխարհը,
- կարևորում և գնահատում են կամավորների կատարած անգնահատելի աշխատանքը,
- և պարզապես այն մարդկանց համար, ովքեր ուզում են հանդիպել հետաքրքիր անհատների ու լսել նրանց հաջողության պատմությունները, որտեղ կարևոր դեր ունի կամավորությունը։
Երբ՝ Դեկտեմբերի 5-ին` ժամը 18:00
Ինչպես մասնակցել
Մուտքն ազատ է, միայն անհրաժեշտ է մինչև դեկտեմբերի 1-ը գրանցվել հետևյալ հղումով` https://bit.ly/4ehDKe4 :
Տեղերը սահմանափակ են՝ ելնելով դահլիճի նստատեղերի քանակից: