Ի՞նչ է կամավորությունը
Ի՞նչ է կամավորությունը, և ո՞վ է կամավորը...
«Ո՞վ է կամավորը» և «ի՞նչ է կամավորությունը» հարցերին անդրադարձել են այնպիսի հեղինակնավոր բացատրական բառարաններ, ինչպիսին են Collins English Dictionary - Complete & Unabridged-ը, Oxford advanced learner's dictionary-ն, Cambridge Advanced Learner’s Dictionary & Thesaurus-ը, ինչպես նաև Էդուարդ Բագրատի Աղայանի հեղինակած «Արդի հայերենի բացատարական բառարան», որը լույս է տեսել 1976-ին:
Անդրադառնանք վերոնշյալ բառարաններում տեղ գտած բացատրություններին՝ ըստ հերթականության՝
|
Collins English Dictionary - Complete & Unabridged 2012 Digital Edition Կամավորությունը, ի շահ հասարակության, ժամանակ և էներգիա տրամադրելու սկզբունքն է՝ որպես սոցիալական պատասխանատվություն, այլ ոչ թե ֆինանսական պարգև ստանալու նպատակ։
|
|
Oxford advanced learner's dictionary Կամավորը՝ 1. անձ է, ով առանց վարձատրության կատարում է որևէ աշխատանք 2. անձ է, ով ինքն իր կամքով առաջարկում է ինչ-որ բան անել
|
|
Cambridge Advanced Learner’s Dictionary & Thesaurus Կամավորությունն առանց վարձատրության բարի նպատակներով կատարվող աշխատանքն է
|
|
Արդի հայերենի բացատարական բառարան
Կամավորը՝ 1. Ած. Իր կամքի՝ ցանկության համաձայն՝ հոժար կամքով գործող՝ մի բան անող՝ հոժարակամ: 2. Առանց հարկադրության՝ հոժարակամ կատարված՝ տեղի ունեցած: Կամավորությունը՝ 1. կամավոր լինելն է, 2. Կամավորներն են, կամավորների ամբողջություն:
|
Այս հարցերին անդրադարձել են նաև կամավորությամբ զբաղվող միջազգային մի շարք կառույցներ՝ տալով իրենց սահմանումները, որոնց կարող եք ծանոթանալ ստորև՝
|
Միավորված ազգերի գլխավոր Ասամբլեա
Կամավորություն (կամավորական գործունեություն) եզրը վերաբերում է մի շարք գործողությունների, որոնք ազատ կամքի դրսևորում են ի շահ հասարակության և որտեղ դրամական գործոնը գծխավոր խթանը չէ» [1]:
|
|
Աշխատանքի միջազգային կազմակերպություն
Կամավորական աշխատանքը գործունեություն կամ աշխատանք է, որն իրականցվում է մարդկանց կողմից սեփական կամքով որևէ առաքելության իրականացման համար կամ ոչ ընտանիքի անդամներին օգնելու նպատակով[2]:
|
|
Եվորպական երիտասարդական ֆորում Կամավորը այն անձն է, ով սեփական կամքով իրականացնում է գործունեություն՝ ի շահ հասարակության: Այս գործունեությունն իրականացվում է անշահախնդրորեն, նպաստում է հանուն համընդհանուր բարօրության, առանց որևէ ֆինանսական ակնկալիքի էներգիա և ժամանակ ներդնող կամավորի անձնական որակների զարգացմանը: Կամավորական գործունեությունն իրականացնում է կամավորը, որը կատարվում է անշահախնդիր աշխատանք՝ առանձ ֆինանսական ակնկալիքի: Գործունեությունը կարող է իրականացվել կամավորական աշխատանք առաջարկող կազմակերպության միջոցով, ինչպես նաև կամավորի սեփական նախաձեռնությամբ»:[3] |
|
Եվրոպական պառլամենտ
Կամավորություն եզրը վերաբերում է բոլոր տեսակի չվճարվող/անվճար աշխատանքերին, որոնք իրականացնում են անհատները սեփական կամքով, ֆորմալ և ոչ ֆրոմալ հիմունքներով»[4]:
|
Ամփոփելով կարող ենք ասել, որ թեև կամավոր և կամավորություն եզրույթների համար համընդհանուր սահմաններում չկան, ու ձևակերպումները բազմաթիվ են, բայց դրանք ունեն ընդհանուր սկզբունքներ ու նույնություններ, որոնք նկատել ու առանձնացրել ենք:
Այսպես՝ կամավորական աշխատանքը գործունեություն է, որը՝
Ø իրականացնում է մարդը/անհատը,
Ø անհատի ազատ կամքի դրսևրումն է ու ընտրությունը,
Ø չի ենթադրում ֆինասական շահ,
Ø պահանջում է նվիրում և ներդրում (ժամանակ, էներիգիա, և այլն )
Ø իրականացվում է ի շահ անհատի, կազմակերպության, որի միջոցով իրականացվում է կամավորական աշխատանքը, և հասարակության:
[1] UNGA 2002 (A/RES/56/38)
[2] International Labour Organization, Manual on the Measurement of Volunteer Work, 2008
[3] CoE, European youth forum, Volunteering charter, European Charter on the Rights and Responsibilities of Volunteers, 2012
[4] European Parliament, Report on volunteeringand voluntary activityin Europe, 2013
(2013/2064(INI))