Հետք Մեդիա Գործարանի ուսանողների ընդունելություն
Ծրագրի տեսակը-անվճար ուսուցում
Դիմելու վերջնաժամկետը- 2020 թ. հունիսի 15-ը
Լրագրությունն արագ փոփոխվող, գիտության և տեխնոլոգիայի հետ հեշտությամբ համադրվող մասնագիտություններից է։ Եթե ցանկանում ես դառնալ մրցունակ մասնագետ մեդիայի և հարակից ոլորտներում, ձեռք բերել ոչ միայն տեսական, այլև գործնական և կիրառական գիտելիքներ, զարգացնել և իրագործել անսահմանափակ նոր գաղափարներ, դարձիր Հետք Մեդիա Գործարանի ուսանող։
Հետք Մեդիա Գործարանում սովորելն անվճար է։
Տարեկան 30 ուսանող հնարավորություն է ունենալու սովորել Մեդիա Գործարանում։ Ուսանողներին հատկացվելու է նորագույն սարքավորումներ (տեսախցիկ, համակարգիչ, հեռախոս, լույսեր, ձայնագրման սարքեր, մոնտաժի ծրագրեր)՝ ուսումնասիրվող նյութի պրակտիկ կիրառությունն ապահովելու համար։
Հետք Մեդիա Գործարանում դասավանդելու են ոչ միայն լրագրության, այլև գիտության և տեղեկատվական տեխնոլոգիաների ոլորտների առաջատար մասնագետներ։ Նրանք բոլորն ընտրվելու են մի քանի փուլից բաղկացած բաց մրցույթով։
Հետք Մեդիա Գործարանում դասավանդվելու են հետևյալ առարկաները․
- հետաքննական լրագրություն,
- փաստերի ստուգում,
- տվյալների լրագրություն,
- տվյալների վիզուալացում,
- ֆոտո լրագրություն,
- վիդեո լրագրություն,
- անիմացիա,
- մոբայլ լրագրություն,
- էթիկա և մեդիա օրենսդրություն,
- անգլերեն լրագրողների համար։